Joseph Edward „Flip“ Phillips (* 26. März 1915 in New York City, New York; † 17. August 2001 in Fort Lauderdale, Florida) weer en US-amerikansch Jazz-Tenorsaxophonist un Klarinettist
Phillips speel tonächst Klarinett bi Frankie Newton (1940–1941) un Saxophon bi Larry Bennett (1942–1943). Van 1944 bit 1946 wark he in Woody Herman sien First Herd. Bekannt wurr he dör sien langjohrig Uptreden up de Jazz-at-the-Philharmonic-Tourneen van 1946 bit 1957. In dat Johr 1959 gung he mit Benny Goodman nah Europa un hett ansluutend en Quartett in Pompano Beach (Florida) leit.
Philipps hörr to de impulsiv Tenorsaxophonisten vun de utgahnd Swing-Ära. Während en lang Karriere weer he up völ Alben to hören; he nehm noch as över 80-Johrig noch de CD Swing is the Thing för Verve Records up.